لوأنني غربلت أصحابي معا
لم يبق لي منهم سوى الغربال
أظلل عـــــالصديج وعلــــي ماظــــــل
ويـــــاهو العن طريجه اليـــــوم ماظل
أغربل بــــــالـــربع ظليــــت مـاظـــــل
ســـــوى الغربيل ثـــــــــابت بين أديـه
.......................................
ماحن للـــــرضع منـه ولكحــــــــان
دليــلي وشــــامتي اجفوفه ولكحان
تعــــال بســــاعك الحكلي ولكحــان
اليـــــوم البيه جنت مذخـــــور اليه
......................................
تغير لــــــون وجهي وصـــــار نوماي
وكبـــــاحه احنه وره اليمشون نوماي
صعب والله عليــــه ايصيــــــر نوماي
امســــــاهر والهمــــــــــوم اتحيط بيه
........................................
جفــــــــــــوني وبس اديه بقن يومين
وراهم والدقيقه اعــــــدال يـــــــومين
نســــــــوا حجي الحجوا وياي يومين
أحلفـــــوا مانفتـــــرك حد المنيــــــــه
......................................
طــــــــرت عــــالخاطر أيـــــامك ومرت
ذكـــــرته ونشفت اريــــــاكي ومـــــرت
أعتصم مرات أنه بصبــــري ومـــــرات
أتضعضع والـــــــوسيعه اتضيـــــج بيه
.................................
من منكم نشــــــد عنـي شلـــــــونـــي
طحت واعـــداي فــــزعولي شلونـــي
أحبــــابي من جفوا عنـــــي شلونـــي
غديت أزحف زحف فــــــوك الوطيــه
.................................
يلاهي الــــوكت فد مرة تـــرايــــــــار
عليــــه وشــد حبـــــل بيـــه ترايــــار
أخــــــوي بعيــــد موعنــــــــي ترايار
يمي ولانشد بــــــالصــــــار بيــــــــه
.....................................
رك حيلــــي ونظر عيني معـــــــاراك
وكظيت العمر وي وكتــــي معــــاراك
ردت طيفك يمـــر بيــــه معــــــــاراك
لجن النــــــوم ظــــل يصعب عليـــــه
.....................................
أحبـــــابي الأعز من صحتـي صحتهم
جفـــــوني ولاضمايــــــــرهم صحتهم
بهـــــدمي أعمت وبلســــاني صحتهم
أسمعـــــــوا شــــــافوا فلا ردوا عليه
....................................
خــــــزن جــــرح البكلبـــــي ولمني
الفضل للثــــوب ســــــاترني ولمني
أعــــــذره المادره بحــــــالي ولمني
كتلنــــي المطلع ويلـــــــوم بيـــــــه
.....................................
الدهر ظـــــالم على الأنســان لايار
ومايــــــرحم ابتوت الكلب لايـــــار
لامنهم صديــــــج الفزع لايــــــــار
ولامن راضع ويـــــــــــــاهم سويه
.*.*.*.*.*.*.*.*.*.*.*.*.*.*.*.*
_________________
عراقي ومو عراقي شلون ما جان
مو لبطون تطلكَني الزلازل
