الشاعر المرحوم محمد الغريب

وين چنتي
الشاعر المرحوم محمد الغريب

وين چنتي
وليش متأخرة علي كل هالسنين
وليش ما طيفچ اجه وفزت صفنتي
وين چنتي
گبل تسع اسنين مريتي اعله عيني وما وگفتي
ليش من دگ الجرس ماصارن اعيونچ فرصتي
ليش من اگفه العمر هسه ضهرتي
وين چنتي
يا ملك شيطان وتلبّس بجثتي
يا دمع خسران ويثلّم وجنتي
يا الم لف روحي سچين بخصرتي
وين چنتي
ليش ما جيتي گبل لاتوصل الفضه الگذلتي
وليش من عبرن محطاتي ركبتي
وليش فتّحتي لمن ذبلت وردتي
والله لو عندي بخت چا لمّچ امن اسنين بختي
وين چنتي
چان هسه ادموع ماكو وخابصة العالم ضحكتي
وين چنتي
وليش متعطله وصلتي
وين چنتي