للشاعر الشاب الشطري المبدع ((كرار العبودي))

[center]
ليس خارج القفص ما يوجب تركه

يا قفص مو بالغصب حابسنه بيك
وهيّه لو مو هاي بابك منفتح
بس من ايكول اليعوفك هم يجيك؟
هوّه شيجيبه اليجيك ابلا جنح؟
انت مثل الحسن عفوه ابلا حدود
حتّه وكت الزمجرة اسلاحك صلح
وانت مثل حسين بمجادك طويل
السنبله امن اتطول لازم تنذبح
لا تعاتبلك جسد ما بيه ضمير
صوجك اطّيته الخبز ما بيه ملح
ولو ردت حكّك يرد ودّي الفقير
الليل من ايروح يطّيك الصبح
لا تضمد الجرح يكبر بالضماد
لأن جرحك كاع وضمادك فلح
وما أشيلن راسك ابوكت النزال
شال راس حسين وانذم الرمح
انت المعذّبني ما مرتاح بيك
واليعذبني احتمال يكون خل
وانت عندي ابمنزلة شمس الحياة
ومن تكابلني الوراي ايصير ضل
انت علمت الفرغ ماعونه بيك
درس عنوانه اليجوع وما يذل
وهسه جيرانك زحف طبّو عليك
لأن ذو الفقّار كص منهم رجل
وألله يدري اشلون لو صبرك يفيض
ومن يكظ عبّاس لمّن ينفعل؟؟؟
وكلبك ابيض كطن خل يلوون بيه
الكطن يتصلّب اشما ينفتل.

[/center]

الله عليك ياعلي البصرواي والله عاشت ايدك على هاي الكلمات تمنياتي الك بالتوفيق

الادارة كتب:: الله عليك ياعلي البصرواي والله عاشت ايدك على هاي الكلمات تمنياتي الك بالتوفيق

جزيل الشكر والأمتنان لك نورتني بمرورك الجميل تقبل تحياتي علي البصراوي