مؤسسة الشهيدين الصدرين ترحب بكم

نورتونا ونتمنى لكم اوقات ممتعة
 
الرئيسيةالبوابةبحـثالتسجيلدخول

شاطر | 
 

 جية العيد // للشاعر الكبير عريان السد خلف

اذهب الى الأسفل 
كاتب الموضوعرسالة
علي البصراوي
مشرف قسم
avatar

ذكر
عدد الرسائل : 181
العمر : 36
الاسم المستعار : علي البصراوي
صورة شخصية :
تاريخ التسجيل : 18/09/2008

مُساهمةموضوع: جية العيد // للشاعر الكبير عريان السد خلف   الثلاثاء أكتوبر 28, 2008 3:03 am



جيٌة العيد
* * *
يناهي الشوك ذمٌـه وذات من ذات
وفرق مابين حالي وحالك إبعيــــد
سنه وصدٌك يِضَـوك الروح لوعات
ويجَملٌي الجروح جروح ويزيــــــد
أبات إبحضن صبري إليالي ويباتْ
جرح يصحه وجرح متغصٌب إيزيــــد
وأكًًول إشوالف السرحان للشــاة
إعله سـجٌه وكًاوداه الإيـيد بالإييـــد
إلك جـانت يحلو الطول جيـات
عجب تبخل علينه إبجيٌـة العيـــــد
تنينه وأملينه إجفونـٌه إبطيفْ
وصبرنه وصبـٌرينه الآه بـــــالآه
وتحسفنه الحســافه وحيف عالحيـف
عله إسواجي الدموع المالهن جـــــاه
إشيصير إعله الترف لو ينحسب ضيف
إعله غفله وعيد وصل الزين محــــلاه
أنه إبعازة الموت وحاجبك ســيف
وأمــوت إبغير صدٌة غيض ماريـــد
إلك جانت يحلو الطول جيـٌات
عجب تبخل علينه إبجيٌـة العيـــد
أحن لمسامرك ولكًاك شلكًاك
شَرِي المعشر حلاوة شــوك مابيــــك
ويمر صيفك صبر وتنَطٌر إشتــاك
تبيعك عزتـٌــك وبذلـٌـتي أشريـــك
يبو الروح إعله روح إهواك شلهــاك
وإهي إبعيـن الشفاكًـه إليالي تِربيــك
أبد ماسامرتها الآه لولاكْ
ولا جـان إعله دربك لاويــه الجيـــد
إلك جانت يحلو الطول جيـٌات
عجب تبخل علينه إبجيٌـة العيـــد
أنه ولا كًـول عنـٌك غير معذور
ولَو ماظَلْ عذر للروح ينكًــــال
لـَجَنْ ون ايساهر ليل معـذور
ألم لو من وكت لو من ولف شــــال
وانه إبحالي إعله صبرك حال مزهــور
صبر ومكابر المحتـــام جَتـــٌال
إلك عمري إعله زين وشين منذور
ولَو من السنيــن إوشال ما ظـــال
لـَـجَنْ يبقه الجفن للعين مسحور
ويظل راكد عليها النوم تركيــــد
إلك جانت يحلو الطول جيـٌات
عجب تبخل علينه إبجيٌـة العيـــد

_________________
عراقي ومو عراقي شلون ما جان
مو لبطون تطلكَني الزلازل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جية العيد // للشاعر الكبير عريان السد خلف
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مؤسسة الشهيدين الصدرين ترحب بكم :: الادبية والثقافية :: الشعر الشعبي-
انتقل الى: