علي البصراوي مشرف قسم
عدد الرسائل : 181 العمر : 42 الاسم المستعار : علي البصراوي صورة شخصية : تاريخ التسجيل : 18/09/2008
| موضوع: ثلاث قصائد للشاعر الكبير.... مظفر النواب الإثنين نوفمبر 10, 2008 1:34 am | |
| مطـــــــــــر مطــر مايســوَه المطر أصفن إسنيـن العمـــر ما مطــرَن أيــامَكْ علَيـــٌــــــه ومن جريــب إتعلمـٌيت الناس سَمـٌيـتك مطـــر مثل المطــــــر لملِميـتْ الروح قدٌاح الحديقه الغاد من النوم حظـٌرت السطح وبدمعي جٌـــواٌني المنــاطـَر جـَنها مطرت مثل كذبـاتكْ أمس زخـٌات مابيهاش يحبيٌبْ مطر يـِسوه المطر شَكَكَتْ كل الكتبته ورٌقيــته إبعَذب ريــجَكْ دفتر إيناغيــك من إزمــان مايرضـاش واحد غيــرك إيوَرٌقني من كل البشــر صِـدِكَ مطرت !! لكن إحنه ولارذاذه وخضـٌرينه وباجر إيشوفون فوكَ السطح وردة ليـــل سكتـــه ومدري شنهي مشط .. ومرايــه إبوسطها إثنين ضاعو بوس ما منهم خبــــــــرْ
| |
|
علي البصراوي مشرف قسم
عدد الرسائل : 181 العمر : 42 الاسم المستعار : علي البصراوي صورة شخصية : تاريخ التسجيل : 18/09/2008
| موضوع: قصيدة الأم تابع.... الإثنين نوفمبر 10, 2008 1:39 am | |
| الأم يَبنـي ضـِلعَكْ منْ رجيـته إلضِلعي جَبـٌرته وبنيــته يَبنـي إخذني إلعُرض صدرك و أحسب الشيب اللي من عمرك جنيته يَبني طِش العمى بعيني وجيتك بعين القلب أدبي على الدرب المشيته شيلة العلاكَة يَبنـي تِذكر إكتـافي بلعب عمرك عليهن سنة وجفوفك وردتين على راسي وبيـك أناغي كل فرح عمري النسيته يـَبني شوفك يبعث الماي الزلال بعودي و أحيا وانه ميتة أبيض عيونك لبن صدري وسواد عيونك الليل اللي عد مهدك بجيته وأبنك التوه يناغي الخرزبالكاروك يابني كَـِتله لاتخاف اليتم جدٌه كًـِتله يابن وليدي من يجبر على الأيام تلكًـه حزام ابوك الماطواني وما طويته تلكَـه منه خطوط اضمهن حدر ضلعي لحد ما موت بعز على السر الحويته ياعمد بيتي وكَـمر ليلي وربيع الشيب والعمر الجنيته جيت اهزك يـاعمد بيـتي يكون الدهر ظعظع عظم منك للمِـذَلـٌه للخيانة وساومت جرحك على الخسة وخفيته يابني خلي الجرح ينظف خله يرعف خله ينزف يا بني الجرح اليرفض شداده علم ثِـوٌار ويرَفرِفْ يَـبني إبن الكلب يرضع من حَليـبي إو لا إبن يـرمي إلـي خبز البراءة يابني ياكلني الجلب عظم ولحم وتموت عيني ولا دناءة يابني هاي ايام يفرزنهـا الكَـحط أيام محنه يا بني لا تثلِمْ شَـرَفنـا يا بني يا وليدي البراءة تظل مدى الأيام عفنة تدري يابني بكل براءة كل شهيد من الشعب ينعاد دفنه وخلي ايدك على شيبي واحلف بطاهر حليبي كَـطرة كَـطره وبنظر عيني العميـــتَه
| |
|
علي البصراوي مشرف قسم
عدد الرسائل : 181 العمر : 42 الاسم المستعار : علي البصراوي صورة شخصية : تاريخ التسجيل : 18/09/2008
| موضوع: تابع الإثنين نوفمبر 10, 2008 1:45 am | |
|
جـَـرس عطلـــه مالـَه أحـٌد شغـُل بيـــه.. جـرس عطلــه حيل أدكَ نوبــات وحدي !! أبجي وحدي .. أحجي وحدي آخذ المدرسه عُرض إبطـــول وحدي أطفه وحدي بلايــه أحـٌد وأشتعــــــــل جرس منـٌي وبيـٌه وحدي أشتـُغـُــــــــل كَِلتْ أكَضي الظلـٌنْ إمن أيامي أتفرٌج إمنْ الشبــاج عالدنيه وهـــلها ولـَنْ بالشبيبيــج الكَبــالي إتِلـَجـلـَجْ كَـامـَه من بَلـوٌر شِكلـَتني إمنْ عيـــوني شَـــــــــــكِلْ!! غـَمٌضيتْ إبربع جـَفـٌي وبثلثْ تربــاع شفت الدنيـه مزروعه كُــفُر مشمش حــلو .. ورمـــان ... وفـَــر بيـه الخِصِر فرٌة حِـجـِـــــــلْ !! صِحِتْ سبحــانـَك شـَكَلـٌكْ ؟ ؟ كُفــُر .. وجَنـٌه .. وشِتا وصـيف .. وربيــع !! إبجَسَد واحد مِنْ سمَعني المشــط من إبعـيد إتمَركَص إتمُركَص عالهَوه وعـضـٌــــاني .. بسْ عضــٌـة طفــــــل عَـضْ بعـَد .. عَـض بعد يابـَعَد روحي تلفـَنتْ للجنـٌه من شبـٌاجـَك الجدٌام بيتي وبالغَلَط فـَرٌيت رقم النار بيـــٌه فـُر بعـَــد .. فـُر بعَــــد بس فـُر عـَدِلْ مالــَه أحـٌدء شـغُلْ بيــٌه جرس عطلـَة صيف ومتـاني المدارس أدِكَ وحدي بلـكن إيكَطعـَنْ العطله ويشتِهـَن دكَــاتْ كَلبــي كِل كَصـيبه إتكَلٌك آنه وكل خصِر محبــَس عرس ويكَـٌلـٌك إلبَسْ وإنتـه نازع نفســَك إمن إزمـان وتلملم سَكتـٌكْ جيت للدنيه نــزِلْ .. ومسافر ألله ويـاك للسلطه نـــزِلْ ياجـَرس يالعِشتْ وحدَك ساكت إمن أيــام ماواحد يسمعَكْ تعَـــبْ ؟ ؟ لو مَلـٌيـتْ لو رنـٌاتك الحلوات ماعادَنْ بنات التكي والزعرور يلتَمـٌن عليــها ياحســافه ياجـــرس كل ســاع رنـٌاتك عرس بس الوكت كلـٌشْ نحس كلـٌشْ نحــــــِسْ
| |
|