مؤسسة الشهيدين الصدرين ترحب بكم

نورتونا ونتمنى لكم اوقات ممتعة
 
الرئيسيةالبوابةبحـثالتسجيلدخول

شاطر | 
 

 مجموعة قصائد للشاعر الكبير كاظم أسماعيل كَاطع

اذهب الى الأسفل 
كاتب الموضوعرسالة
علي البصراوي
مشرف قسم
avatar

ذكر
عدد الرسائل : 181
العمر : 36
الاسم المستعار : علي البصراوي
صورة شخصية :
تاريخ التسجيل : 18/09/2008

مُساهمةموضوع: مجموعة قصائد للشاعر الكبير كاظم أسماعيل كَاطع   الإثنين نوفمبر 10, 2008 7:21 am


حصاريـــــــات
التــاجر
إتريٌكَت باكَة صبر وكَلاص هم
وتوكلت يارب عليــــــــك
غبشه . نَعسانه الشوارع
ومدري يانثيه إبفجر دم تشتهيـــك
إتذكـٌرت تاجر أعرفه
كَلـٌي من إتبيع روحك مرلي بلكت أشتريـك
وتمــٌت الصفقه إشتراني
وحصـٌتي هم رد أخذهــا
فكــٌر إبمشروع بي أدخــل شريك
!! وصــار يمليلي إبشروطه
.. ما أريد و .. ما أريــد
وما أريد إييــدك طويله
كَتله أكَــصرها وأجيـــك
وابترتها من المتن ورجعت ابشره
كَتله عد عينك شلتها !!
كَــالٌي جا شِلٌي بيــك Sad
جَــراٌح الحصـــــــار
ومن هــذاك اليوم والتاجر نسه وسد القضيه
وآنه منسي .. إمعلٌك إعله إرفوف صبري
وحتــى صار إتراب بيــــه
راحت إييدي إتفلِشٌت أقوى الدفاعات
وخطوطي الأوليـــــه
ناس مقهوره إجت تبجي عليـــه
وناس بطرانه إجت تحجي عليـــه
؟ إشلون غلطه إتسرعت كَصٌيت إديـــه
... هاي إديـــٌه
... هاي إديـــٌه
صار تفتيش بسنه من السنين
وعوضٌت عن الهويــــــه
هاي إديـــه
ياما لعبت .. ياما قبل الريح هبٌت
ياما بصدور الثلج نيران هبـٌت
هاي إديــٌه وهيه مكَصوصه
شعر للناس كتبت
وصـٌفوا جراٌح زين إبمنطقتنا
حرٌكوا بعض الرماد إبعود شخاط
وبعدها النار بيـــه
عفيه جراٌح الحصار البي حميـــٌه
وحده يكَدر يكَطع الخيط اللٌي
يربطني إبشرايين المنيـــه
... إتفقنا
وصارت الصفقه بعيادة هالطبيب
!! آخذ إييــد و أنطي كِليــه
وباشر الجراح وتمدد شخص مو من أهلنه
وخِذ دم وجيب دم
وإصعد إنزل
والوسيط الجابني إيصبــٌر عليه
خِلَصْ مفعول المخدٌر
فتٌحتْ ملكَيـــت إديــٌه
!! حصدوا الكليه ولا زرعولي إييد
وقٌع الدكتور تقرير إبنسختين وتركنه
ولازم الفراش باب الصيدليه
الكادر إتجمٌع على أهل الغريب
إيهنٌي بيهم
وآنه بالسديه نسوني وياحزن ذيج المسيه
والمضمد راد حكَــــٌه !!
كَتله مد إييدك إبجيبي
لا.. لا مد إييدك إبصدري
يجوز هم تحتاج ريـــٌه
جابلي الفراش سر
وعرفت منـٌه تفاصيل القضيه
المريض الجان يمـٌي
كليـِتي رهمت عليه وإييده مارهمت عليه
وأهلي زعلوا طرٌدوني من العشيره
ومن فشلتي كَمت أصيــح
آنه مامحتاج إديـــن
إنتو شعليكم بدَيـــــــٌه
إتبرٌعت بيهن لأن ماريد
يوم أتوازى
وأتنازل
وأمد للناس إديــــــٌه

_________________
عراقي ومو عراقي شلون ما جان
مو لبطون تطلكَني الزلازل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي البصراوي
مشرف قسم
avatar

ذكر
عدد الرسائل : 181
العمر : 36
الاسم المستعار : علي البصراوي
صورة شخصية :
تاريخ التسجيل : 18/09/2008

مُساهمةموضوع: رد: مجموعة قصائد للشاعر الكبير كاظم أسماعيل كَاطع   الإثنين نوفمبر 10, 2008 7:23 am


إللي إمضيٌع ذهب
بالغربه شِفتْ التَعب وإتعلٌمت معناه
وإتعلٌمت عالسهر .. والسكته .. والصفناه
ذلٌيت ذلْ النهر من ينكَطع مجراه
وإعرفت كل شي إعرفت
حتىٌ النخل ينحني الريح السفر من يجي
وجايب غريب إوياه
ألله !! يا هالوطن شمسٌوي بيٌه ألله
نيرانه مثل الثلج
كلما تدكَ عالضلع
أبرد وكَول إشٌاه
إللٌي إمضيٌع ذهب!!
بسوكَ الذهب يلكَــــــاه
وإللي مفاركَ محب ...
يمكن سنه وينســــــاه
.. والطاح منٌه الكَلب
قلب إصطناعي إنلكًه ويشكٌلونه إهنـــاه
بس إل مضيٌع وطــــــــــــــن
وين الوطن يلكَـــــــاه ؟ ؟ ؟
* * *
آه ياوطن يا خبز يالشارتك تكتل !!
آه يا وطن يا طفل .. هِنياله منْ صاغ إلك نبض الكَلب جنجل !!
يا وطن .. زٌفة كَمر
ياعراق زَفة كَمر
ونجوم إله إتهلهلْ !!
عذبٌني ما عذبٌك ..
إكتلتني ما أكتلك ..
طبع اليحب ينكتل موش اليحب يكتل
***
آه يا وطن يا جَذِر !!
والجذر هم بيه طبع ..
لو مات من العطش للوادي ماينزل !!
علٌمني إل فراق
أعزف لحن غربتي إبقيثارة أشواقْ
أسهر \ وحن\ وأنفعل
وأتمنىٌ واشتاق
مامش مثل ديرتي
لو نمشي طول العمر !!!
مانلكًه مثل إعراقنا إعراق!!!

_________________
عراقي ومو عراقي شلون ما جان
مو لبطون تطلكَني الزلازل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مجموعة قصائد للشاعر الكبير كاظم أسماعيل كَاطع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مؤسسة الشهيدين الصدرين ترحب بكم :: الادبية والثقافية :: الشعر الشعبي-
انتقل الى: