مؤسسة الشهيدين الصدرين ترحب بكم

نورتونا ونتمنى لكم اوقات ممتعة
 
الرئيسيةالبوابةبحـثالتسجيلدخول

شاطر | 
 

 للشاعر المبدع ميثاق الهلالي

اذهب الى الأسفل 
كاتب الموضوعرسالة
علي البصراوي
مشرف قسم
avatar

ذكر
عدد الرسائل : 181
العمر : 36
الاسم المستعار : علي البصراوي
صورة شخصية :
تاريخ التسجيل : 18/09/2008

مُساهمةموضوع: للشاعر المبدع ميثاق الهلالي   الأحد سبتمبر 28, 2008 12:22 pm


رسالة من ميت على قيد الحياة
الى ميت فارق الحياة
.......................
وحدي عايش ليل يترجه الگمر

وتنزف جروح الشبابيچ عله مودك
شوگ وعيون ومطر

وين رايح؟؟؟؟
خشبة التابوت عميه
وانت بعيونك صور من ماي روحي
الموت مايقره الصور

الموت مايرهم عليك
الموت من گد اليتامه الراسمين عيونهم بالعيد بيّاعة قهر

الموت لو سامع ضحكتك چانزل راكع يبوس چفوف اديك

الگبر مايعرف ترافه
الگبر لو شايف طعم شبگة زنودك
ماطبگ روحه عليك

ولاكلت بخدودك سنون التراب

خدودك الچانت ضوه بوحشة صفنتي
شلون طفتهه السنين؟؟!!

وسدت بعينك ضواهه
وفتحت عله جروحي باب

وانت تدري

تعودن تلچمهن انت
وبعد ما يرضن غريب يمر عليهن

جروحي كلش يستحن
يبچن بسكته .......خاف واحد يخطف ويسمع بجيهن

البارحه سولفنه بيك
آنه وجروحي وصورك والملح

چانت أول ذكرى صوره
الصوره سألتني عليك

اتلعثمت بأول حرف من ردت أجاوب

ردت أنسيهه السؤال

ودرت ظهر الصوره بس شنهي بظهرهه!!

الصوره مطعونه برمح

رمح فرگاك بظهرهه وتنزف الصوره غياب

تكسر الخاطر مثل طفله يتيمه تريد من عندي جواب

وشرد أگلهه
فلان بدل ثوبنه بثوب التراب!!!

وصبرتهه
وسكتت الصوره وبقه ينزف ظهرهه

وچنهه نامت
توهه نامت

شهگ بضلوعي جرح

أول جرح
شايل طبع غيرة فلح
شالوا مساحيهم صرح

هيچ انه جرحي مچلب بحلگ الرمح

عنك سألني

تحيرت بيناتهم صوره وجرح
وأتلعثمت بأول حرف نار وحچي
وظل الملح ياكل بروحي وذبلت جروحي معاناة وبچي

ليله مو ليله رهيبه عبريناهه نزيف وذكريات
وحشمت حته القصايد بلكي تفزعلي ولو ومضة حياة

ياهي الاقراهه وتفك حزني عليك؟؟!!

اوراقي كلهن گلبّتهن مالگيت
شلون تطلع ضحكه من ورقة وفاة؟؟

وراحت وياك القصايد والصور والذكريات
وعشت بالگوه بغيابك

وبقن بيه جروحي وچفوف الملح
ومارضيت ابقه جرح بإنسان عايش

لا... عشت إنسان في هيئة جرح
لا... عشت إنسان في هيئة جرح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
للشاعر المبدع ميثاق الهلالي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مؤسسة الشهيدين الصدرين ترحب بكم :: الادبية والثقافية :: الشعر الشعبي-
انتقل الى: