علي البصراوي مشرف قسم
عدد الرسائل : 181 العمر : 42 الاسم المستعار : علي البصراوي صورة شخصية : تاريخ التسجيل : 18/09/2008
| موضوع: قصيدة للشاعر الشاب الشطري (ضرغام الركابي) الإثنين سبتمبر 29, 2008 12:57 pm | |
| الى من سافرت الى البلاد البارده الى مدينة اللا حب حيث اللا شعور وختارت " اليك (انت)فقط تانيـــــــتك اريدك بس تجيني اشوفني بياحال وبلم عمري تشوف اشلون عبرتــه وخاف اتكول اجيتك وانه ماموجود على ارفوف الشوارع وجهي صطرتـه وزرعت ابكاع روحي اعيون حتى اشوف سكاه ادموع لمن شوف خضرتـــه وطلع شوفي او حويته وصار حد الشوف وخاف ايشوف غيرك شوفي كصرتـه وخيطت الشفايف خاف جلمه اطيح شكثر شايل حجي الملكاك حضرتــه وكبر بيه الحجي ومارده كام ايشوف على اللهلبت تجيني وكون كبرتـــه ولو؟ حتى امن اشوفك شحجي بالله وياك ونه املاكه خايلك عمر ناطرتـــه ولأن رمشك يبين بالخيال ايشوف يعني اعيون عده ايـشوفنه بسكتــه ولو تدري ابمكانك شنهي انته ؟ وليش؟ تعال وصير غيرك شوف شنهي انتــه انته ابكلبي كون وكون اليه اصير ونته الي امن اشوفك ماكلت شفتــه لأن ابجي امن اشوفك بس اصد اعليك ركضت الدمع عيني وكمت طشرتــه وكمت السان ارسمك حتى احجي وياك لكيت الساني يمه الدمعـه حاصرتــه لاتضلمني مره اتكول كلبي اصغيــر خفت يطلع جبير اعليك خصرتـــه تعاااال الليل ملني ويايه يسهر كام واكف للصبح ويده اعلــه خاصرتـه ومن كد ماجزع ضل خالف التكوين ضل تانه الصبح سولفلــه سالفتــه وتانيتك تجيني وليش جا ماجيت يمن كلك عليــه اكدار كدرتـــه الناس اطش سوالف حتى تضحك كون ونت ابلا سوالف ضحكتك نكتـــه وردتك بس تجيني اشكد الك مشتاك رغم شخصك حلم بس طيف عاشرتـه ياليل الغرب ياوجــه الولايات يا صفنت غريب الحجت السكتـــه يا قطعة برود ومايه كلبي ايفور شورطني اعله عمري وبيك كاسرتــه | |
|