للشاعر الشاب الشطري صادق الجهلاوي

شجرة فواكه

يالتمشي اعله كيف الكاع ترجف خوف
هم رجليك خــــايب موتت كاعي
أنه أطباعي الشرف والشرف بيه اوسام
بس من تبقى يمي اتبدل أطــباعي
لأن كلك ورد مجبــور أشمن بيــك
أذا شميت شخصك بعد مـــاداعي
زلفك آيزلفك من لمسته اشصــــار
صــار اسنين خايب خدر بذراعي
كتلك خل أحرسك من هوى العشــاك
وخليني اعله صدرك يـاترف راعي
أنه اكحيل من أغير الكون يرجف خوف
وانته لــوحدك كعيت مصــراعي
يل مثلت ليلى بعصر مــــابيه قيس
صرت قيس بزمــاني ومثلت دوره
يــــاشجرة فواكه شفت بيها اشكال
ومن كد النظر هالنـــاس مقهوره
الشـــافك ملك اعتقد مـــاغلطان
ونـــاس البيك شكت يعني معذوره
لأن ماجن بشر من تمشي فـوك الكاع
جنك ملك نـــور ومعتلك نــوره
اذن حك البلابل مــن تطخ الـراس
لأن ماكو بجمــــالك تام الصوره
أذا حتى الشمس خجلت تبــاوع بيك
لأن عينيـن عندك والشمس عـوره