مؤسسة الشهيدين الصدرين ترحب بكم
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مؤسسة الشهيدين الصدرين ترحب بكم

نورتونا ونتمنى لكم اوقات ممتعة
 
الرئيسيةالبوابةأحدث الصورالتسجيلدخول

 

 للشاعر خالد الفراتي

اذهب الى الأسفل 
كاتب الموضوعرسالة
علي البصراوي
مشرف قسم
علي البصراوي


ذكر
عدد الرسائل : 181
العمر : 42
الاسم المستعار : علي البصراوي
صورة شخصية : للشاعر خالد الفراتي 528088608
تاريخ التسجيل : 18/09/2008

للشاعر خالد الفراتي Empty
مُساهمةموضوع: للشاعر خالد الفراتي   للشاعر خالد الفراتي Emptyالأربعاء أكتوبر 15, 2008 3:46 am


تكلي احلم؟؟
ياحلم قصدك تكلي..!!
وروحي باعت ذكرياتي لغير اسمها
ياحلم ....ياطيف...كلي؟
وهية كل مصباح يجدد ندمها
وضغطت اعلية الليالي.
.وكام يتجسس نجمها؟
وغركتني بطول ليلة....
.....وعطرت ثوب النعاس اتريد اشمها
وباعدت بيني المسافة..
وداست اعلة اذيال فجري..بكل جدمها
وانة من شفت الصبر..يسحب اردانة ويروح ومافهمني
..غطت الروح بحلمها..!!


..............
وياحلمها
وردة تتنطر نداها
وتنطر اجفوف الهدية التكطع وتنطي شذاها
ولنها بين اجفوف سيف
لا كطعها.......لالوها
بس ذبحها بعين خرسة
وطاحت ومافاض دمها؟؟
،،،،،،،،،،،،،،،،،،،،،،،،



وياحلمها.....
.جن كنيسة بيوم احــــــــد..!
فوك متعلك جرسها
ذابل الصوت بجرسها
ساكت الصوت بجرسها
اجدام خرسة...اعيون خرسة
يصعد وينزل نفسها
اجفوف دكت عالكنيسة
انفتح باب الكنيسة..!!
ماكـــــــــــو..احد؟؟




،،،،،،،،،،،،،،،،،،،،،
وياحلمها..؟
حديثة..شوك الشوك اخذها.
وفتحت الباب اعلة امها
يصير اخذ من سمار اخدودي للماعندة بيت..
يصير افك شباج عيني
واعصر الشفة على اشفاف الهويت.؟
يصير يمة انة غويت...!!!
صدك يمة انة انتهيت
صدك يمة الليل يندل بابي لو لحظة غفيت..؟؟
وامها..سدي الباب يمة؟
العين اول ذنب والخد..راضي لوهدروا دمعه
اوالكلب..فك قفص صدره..
العين لو شافت ...سمعها؟؟
وهذا حال امج ييمة.
.ذابل وناحل رسمها
..
امج الحطت كحل..تنطر ابوج
منها جف الموت باكة؟؟
تاهت ومحد يلمها........؟؟



،،،،،،،،،،،،،،،،،،،،
وياحلمها..
هاكثر ياليل ليلك..دخلص وحتى افك عيني..
واذبح بشوفي على اول فجر.
.حتى لاظلن ..اخيط عيني وامشي اعل الجمر
يلله..يمعود دخيلك..ماتمر
ومادريت النجمة مايخلص حلمها.
.وياحلمها..




حبل............
متلولح على اطراف النهر
..ويمة جثة
.وذكريات.
.العجيبة؟؟
الحبل بالمي بي نفس من الحياة..
وبالنهر..غركانة..تتنفس جميع الذكريات..
وعالجرف..شفت اللي مات.
.شلون مات.......؟؟
ليش مات.......؟؟
الصبح فزز سؤالي
والصبح فسر سؤالي..
هذا قانون الحياة...
ــــــــــــــــــــــــــــــــــــــــــــــــــ ـــــــــ
الرجوع الى أعلى الصفحة اذهب الى الأسفل
 
للشاعر خالد الفراتي
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
مؤسسة الشهيدين الصدرين ترحب بكم :: الادبية والثقافية :: الشعر الشعبي-
انتقل الى: