قصيدة للشاعر الشاب الشطري احمد البدري

أحمد البدري

محتار الفكر
محتـــــار الفكر معقولة يــــــاعبــــــاس
جفك بالطفــــوف أشلــــــون وزعتـــــــه
جف يم الخيم والثـــــاني يم حسيــــــــن
والثــــــالث يجيب المــــــاي كلفتــــــــــه
خـــــــافن تنشغل وصيت سيفك زيــــن
صلاحيـــــة الذبح مـــرخــــــوصه حلفته
سيفك مرتــــــوه ومن دمهم اشكد ضاج
جي واحـــد شرد وأشلـــــون مــــالحتـــه
أدبت الشــــــريعه بطبتك عبــــــــــاس
وصفه جرف الشريعه ايمـــوت عالسكته
ســــودنت الفـــرات وداعتك يـــــاحيد
ومنكد مــــايهــــابك ريجـــــه نشفتـــــــه
الجيش بلا حــدود الكاع صارت جيش
وانته بكل نـــــويـــــه الجيش طشـــــرته
أجاك الجيش مجبل طب مضيف السيف
مـــــاقصـــــرت ليـــــه بمـــــوت عزبته
ومـــايلحك وراك المـــــــوت تاه اشلون
خلاهه عليــــك المـــــوت كعـــــــدتـــــــه
ومــــــاصعدت روح وعفت بعدك روح
شلت الجيـــــــش كلـــــه ولله صعدتـــــــه
ومـــــاخوفك جيش وخفت من المــــاي
خــــــافن دنت نفســـــه النــــــــزل كطعته
عينـــــك منطفت والسهم لاجـــــــــذاب
العينـــــه التنطفــــي عبـــــــاس مـــــو انته
وعدهم ابو فـــــاضل لن يجيب المـــاي
كفلهه ومن وعـــــدهم هيــــــه كـــــافلتـــــه
زينب نــــــادته عبــــــــاس وين الماي
أنخسفت كربلــــه من سمع صــــــوت أخته
وصل للمشرعه ومـــــادنك أعله الماي
غيـــــره أم البنيــــــن اشكثــر راضعتــــــه
مــــــوكطرة شرف موجوده بالعبـــاس
مــــوكطرة وعلـــــــي جن مشرعه بكصته
أذا جفوف ابو فــــاضل صفت ذو الفقار
أذن يمنة علـــــي عبـــــــاس شـــــــايلتــــه