مجموعة ايوذيات من تراث مدينة الشطرة للمرحوم(الحاج هاشم فليح)

من مثلي فكد دربه وضلاي
ومن مثلي جره دمعه وضلاي
أخوتي الجنت أفيلهم وضلاي
طحت وتفرجوا هسه عليه

.................................

أهنا يلي بهواك الكلب منصاب
بسهم وعليك دم الدمع منصاب
شرك ودك عليه دوم منصاب
أسيراً ميت عندك روف بيه

..............................

تعال أنظر لروحي ونعلهه
وعليهه اللطم واجب ونعلهه
طحت مابين حافرها ونعلهه
أخبرك والمثل مضروب بيه

............................

أبو النكبات دلالي وهمهه
عفاني وانكل أجدامي وهمهه
يبويه أنته أخلصت منها وهمهه
كورته وبكه داير عليه

...............................

ألح ماجنهم ايسمعون للحاي
متت والناس تبدي أحسان للحاي
يخي من يوم سار الظعن للحاي
صحت يافرحة الشمات بيه

.........................

تعال لنار دلالي طفلهه
سرت بوصالكم روحي طفلهه
أخبرك نامت الفكدت طفلهه
وأنه سهران جاللملدوغ حيه

............................

أنحلت لاحيل البكه عندي ولاهم
أجدامي والدهر لحبابي ولاهم
كل هذا وصبر كلبي ولاهم
ولاأخلي الملامه اتلوم بيه