علي البصراوي مشرف قسم
عدد الرسائل : 181 العمر : 42 الاسم المستعار : علي البصراوي صورة شخصية : تاريخ التسجيل : 18/09/2008
| موضوع: للشاعر الشاب الشطري المبدع ((كرار العبودي)) الجمعة أكتوبر 17, 2008 7:57 am | |
| الوطن مذبوح
بس لاتعتقد وتكول عنــدي السيف وجفك مــاتجرأ يفتح الثــامك ولتدك أعله بـــالي بكلمة المكوار والمكوار أصلا عــايش بهامك اذا كتلي الوطن يعني الـوطن مذبوح كبل لاتمشي يعني اتخلف ايتـامك وليش اتكول جـدي وثورة العشرين جدك لــوعدل ماعزنه لسهامك وكتلي التوبه مـــاوقع بعد لبليس وارد اقره وأشوفن بصمة ابهامك وجايب يـــابلم وتكلي اعبرك بيه ودمعات اليتــامه اتغرك ابلامك لاترسملي كبه وكلت هذا حســـين جــاعباس وينه اتجذب اقلامك وشتحشم بعد يــاعرب يــاأسلام المـاعنده علي مايرهب اسلامه انته الوحدك والزمط لذنك صـــوت مــوكلمن تسحر كمل اصيـامه ومو كلمن تهدد كلت هد اويــــاي محزم للطبل مــو لجلك احزامه ومو كلمن حجه اعله اعمامتك بطران بس ماصحله راس يشيل العمامه ومثل دورة رحى دنيــاك من اتدور والسـاريته سيف اتشكك اعلامه ومو صوج المهر مـانصح وي خيال بس كلمن يــركبه ايتيه الجامه وتكتب ياشعر والورقه راحة بــال محتــاج الغزل ان يزهن أيامه لاتتــــوازه هسه اتحل شعر بغداد هذا بخدها أثر صـاروخ موشامه وعاديت الصبر جي مــاعرفت أيوب وماشفت الفرج جي كصرت عامه ومـايحمل برج فدوه استر اعله البيت اليعجبه القصر مو يحرك اخيامه كمنه بيا علي ومـــابينه حيل انطيح اليوم شما يطول ايـــام كدامه خل تنفطر خلها ولاتهيج النـــــار على جيش الحجر لتفزع الجـامه | |
|