قصيدة الأم للشاعر (قيس المالكي))

((أمي))
أمي أتعودت توكفلي بالباب
وتزرع عينه أبكل الشوارع
وتمد أضلوعه وتفرشهن أبساط
وتحط جفه على حاجبه وتباوع
تسهر والدمع ياخذه مرات
وأشوف الشيب ينزل بالمدامع
أمي بهذه عمري وتسال الناس
تكلهم ما لكيتوا وليد ضايع
أمي اشكد رقيقه أبرقة أمي
وتسهر من تمر بينه المواجع
ولكن تختلف من تنخه بغداد
تكوم إهيه وتجر حبل المدافع
اذكر مره عنه أتأخرت يوم
أشوف عيونه ادمع سجاجين
تكلي وداعتك كصلي الضلوع
وهسه أبجيتك صبتهن العين
أمي أتريد كون من امشي على الكاع
يطك أترابه ويصبح بساتين
وتريد اجدامه ويه اجدامي تنداس
حتى أسحك الجنة وما أسحك الطين .
مع حبي للجميع